Fantastiese Kos & Flinke Diens

Die Boskombuis

Die Boskombuis is baie gewild vir sy Sondag ontbyte en middagetes.

Ons ontvang graag groot groepe, klein groepies en enkellopendes. Almal word verwelkom. Ons spesialiseer in verskeie geregte en kan enige spyskaart opdis vir ‘n funksie.

Ontspan by

Ons Boskroeg

Of jy rustig en alleen wil ontspan, of vriende wil saambring vir ‘n lekker kuiertjie, by die Boskroeg is almal altyd welkom.

Maak jou droom ‘n werklikheid met ‘n

Troue of Funksie

Vir ‘n baie spesiale, bekostigbare en onvergeetlike troue is die Boskombuis die ideale plek.

Die kalmerende, ontspanne atmosfeer van die Boskombuis laat gaste en die troupaartjie onmiddelik ontspan sodra hulle instap.  Vir ‘n troue wat bietjie anders is as die norm, is die Boskombuis die ideale onthaalplek.  Die liggies saans tussen die bome sorg vir ‘n sprokies effek en die groot vuur in die boma is ‘n wenner.  In koeler weer sit ons die konkas uit.

Die troue vind plaas voor die visdam en gaste sit tussen die bome en geniet die rustigeid van die natuur, begelei deur die klank van die borrelende water van die fontein.

Ons kan vir u lewendige musiek deur van die top kunstenaars in ons land aanbied, sowel as die dienste van hoogs professionele fotograwe en videomense om die dag nog net meer spesiaal te maak – die keuse is joune.  Ons pryse sluit tafels, stoele en eetgerei in. Daar is ‘n kontantkroeg beskikbaar.

Bo en behalwe troues bied ons ook verjaarsdaepartytjies, lekker familie byeenkomste en jaareindfunksies aan.  In die ontspanne atmosfeer van die bos laat almal gou hulle hare sak en geniet die gaste dit terdeë.  Ons beskik oor akkommodasie op die perseel. Alhoewel ons nie kampeergeriewe het nie, is die gaste welkom om tente of karavane te bring en lekker tussen die bome te oornag is ons akkommodasie vol is.

Daar is ook verskeie gastehuise in die omtrek waar die gaste kan tuisgaan.

© Kopiereg - www.boskombuis.co.za - Alle regte voorbehou. Webtuiste ontwerp deur JaxTheJoker